Bewech dei Ärschla

 

Bewech dei Ärschla und schiddl deine Hoar

 

Du bisd mei Deibla du bisd einfach wunderboar

 

bisd di schennsde Fraa zwischen Färdd und Boddnschdaa

 

Zwischen dir und mir ist wergli alles gloar

 

Iech schau diech oo, mir werds suu haas

 

Däi Bräi leffd mer nunder und mei Hemmerd des wird nass

 

Dei Bligg machd miech ferdich, iech glaab, dass iech miech ferchd

 

iech fühl mi wäi der Hos, den die Schlanger glei derwerchd

 

Bewech dei Ärschla und schiddl deine Hoar

 

Du bisd mei Deibla du bisd einfach wunderboar

 

bisd di schennsde Fraa zwischen Färdd und Boddnschdaa

 

Zwischen dir und mir ist wergli alles gloar

 

Iech drau miech ned und bschdell mer nu a Bier

 

Iech glaab, dass iech verregg edserd kummsd a nu zu mir

 

Iech dreh miech um, blouß hinder mir schdäid kaanner

 

Des konn doch gorned saa, allmächd du mousd miech maaner

 

Edserd mecherd iech wos soong, blouß mier schnürds hald zou in Groung

 

Und dann hebds mi nu im Moong na dann sing i hald den Song

 

Bewech dei Ärschla und schiddl deine Hoar

 

Du bisd mei Deibla du bisd einfach wunderboar

 

bisd di schennsde Fraa zwischen Färdd und Boddnschdaa

 

Zwischen dir und mir ist wergli alles gloar

 

Moggsd mi momomomoggsd mi a?, gemmer gemmer wou andersch hie?

 

Bauernbroud

 

 

 

Barrara... In halbn Douch underwegs und däi Fäiß demmer weh

 

und der Moung der hängd mer nunder bis halb achd

 

bis i endli zu am wunderschäiner Bierkeller kumm

 

eds hoggi dou

 

 

 

Barrara...

 

 

 

A Bauernbroud – a Kellerbier

 

a Bressagg weiß – a Bressag roud

 

a Girgla aa – am Schingn drohm

 

a Bauernbroud

 

A Göddinger – a Obadsder

 

a Meerreddich – und a Mosdrich

 

a Leberworschd – a Sulzn aa

 

am Bauernbroud

 

 

 

Iech hogg dou, wing wäi bläid

 

blouß däi Bedienung kummd ned her

 

und was nüdsd mer eds des gandse goude Zeich

 

wenn kanns kummd und iech ned gräich

 

wossi edserdla brauch

 

eds hoggi dou

 

 

 

Däi Schdadworschd weiß däi Schdadworschd roud

 

des Brodworschghegg des Zwieblbroud

 

a Budder aa des mou fei saa

 

Am Bauerbroud

 

 

 

Barrara

 

 

 

Iech siech endli a Bedienung und sie kummd a wergli her

 

mier rennd der Gaafer a scho runder übern Groung

 

doud  mer leid gouder Moo mir machen zou sachd däi Kouh eds hoggi dou

 

 

 

Eds gäi hamm, mir gäids grod ieberhabd ned goud

 

iech mouch ka Leberworschd , kan Bressag und ka Sulzn und aa ka Bauernbroud

 

iech mouch ka Göddinger, ka Schdadworschd und ka Girgla und aa ka Bauernbroud

 

iech mouch kan Merrreddich, kan Mosdrich und kan Schingn und aa ka Bauernbroud

 


Schlechds Gwissn

 

 

 

Hosd du heid scho die Workout gmachd?

 

Odder hosd du dei Zeid gwies sinnlos verbrachd?

 

Wievill Kalorien hosd du verbrauchd?

 

Odder hosd du am End a Zigareddn grchaud?

 

Sollersd der däi Feier heid Obmd verbeißn

 

Odder Konnsd du dier däi Seidli dordd fiddnessmäßich leisdn?

 

Dei App sachd na, dei Gwissn sachds aa

 

Also machsd nu an Dermin im Fidnessschdudio gloar

 

 

 

Dei Gwissn hodd blouß Machd wennsd machsd wos sachd

 

Mier hom asua Freid, heid wird Party gmachd

 

Heid werd gfeierd, heid is schäi

 

Mei Gwissn bleibd dahamm und iech bin okay

 

Iech fühl mi leichd, iech bin dabei, is Lebm is schäi, mei Kubf  is frei

 

 

 

Hod däi Brodworschd zuvill Nidrosamine?

 

Is des Scheiferla zu feddich und hodd zu weng Vidamine

 

Schwächd der Leberkäs mei Karma

 

Und Greifd der Graudsolod mein Darm oo

 

Worn des heid  a scho wergli gnouch Schridde

 

Bisd du energedisch in deiner Midde

 

Dei App sachd na, dei Gwissn sachds aa

 

Also machsd nu an Dermin im Fidnessschdudio gloar

 

 

 

Des Essen machd dir a schlechds Gwissn

 

Des Fernseng  machd dir a schlechds Gwissn

 

Däi Ärberd machd dir a schlechds Gwissn

 

Der Zeidgeisd machd dir a schlechds Gwissn

 

Dei Glaum machd dir a schlechds Gwissn

 

Des Web  machd dir a schlechds Gwissn

 

Dei App machd dir a schlechds Gwissn

 

Dei Gwissn machd dir a schlechds Gwissn

 

 

 

Kummi heid ned, kummi morng

 

 

 

Kummi heid ned, kummi morng, des machd mier eds kanne

 

Sorng

 

des mach iech heid aff kan Fall

 

des langd doch morng nu allerwall

 

Neili wäii am Sofa hogg,

 

dou kummd mei Fraa und sachd ja hossd kann Bogg,

 

däi Waschmaschiner kennsd rebariern

 

und wennsd dabei bisd aa in Hund frisiern

 

Und wennsd der nix ausmachd, dann weich doch glei,

 

dein Wollbullover im Waschbeggn ei

 

und wennsd dann nu Zeid hosd, dann sei su goud

 

und hull die Kinder vom Schbord, ja dou gräich i mei Woud

 

In der Ärberd frouchd der Chef, wou bleimdn die Verdräche

 

Iech souch zu ihm gands lässich, gäids um gressere Bedräche

 

eds machns hald ka Hegdig, des hodd nu kam Mensch wos

 

brachd

 

edserd hoggi aff der Schdrass, iech hobb doch blouß mei

 

Meinung gsachd

 

Des is eds scho der zwelfde Job wouß miech endlassn

 

iech glaabdäi kenner alle mei Gelassenheid ned fassn

 

woarscheinlio sinds blouß neidisch aff mei innre Rou

 

iech werr sicherlich mol hunderd dann sinn däi Leid scho alle

 

doud

 


Gustavschdrass

 

Iech derzill eich, etz Mol a Gschichdla, des schbilld in Fädd, ja in Fädd in der Gustavschdrass

 

In derer Schdrass dou, dou werd vill gschdried´n, dord in Fädd in der Gustavschdrass

 

 

 

Dou sinn etz Leid dou und däi sinn herzung, herzung nach Fädd ja nach Fädd in di Gustavschdrass

 

Und dann homs gmergd dass, dou a laud is, dord in Fädd in der Gustavschdrass

 

 

 

Su gäid des goar ned, hom däi dann glei gsachd, mier ändern Fädd und di Weld und di Gustavschdrass

 

Etz mou a Rou sa, wall etz sinn mier dou, mier homm des Sog´n eds in der Gustavschdrass

 

 

 

Mier wolln ka Werdshaus, mier wolln ka Schdaddfesd, mier wolln ka Leb´n in der Schdrass und kann Grafflmargd

 

Wall etz sinn mier dou, dedd eich dro gwöhna, bal herschd a Rou in der Gustavschdrass

 

 

 

Drum Fädder aufgwachd, des konns doch ned sei, mier wolln a Leb´n dou in Fädd in der Gustavschdrass

 

Und wer dou herzäichd, der mou des eiseng, is Herz vo Fädd schlächd in der Gustavschrass

 

Zouzuungner Zibbfl

 

Asu a zouzuungner Zibfl will mer sogn was iech soll

 

Wärsd doch besser dahammbliebn, eds gäih und schwall mi ned full

 

Bevuursd herzung bisd, wor des massde goud, doch seid du dou bisd

 

fühl I blouß nu Woud

 

Die fleischgewordne Gentrifizierung, gfälld si su goud in seiner

 

Selbstzentrierung

 

Dai Universum dräiht si blouß um diech, für diech is Lebm a jedn

 

douch a Kriech

 

Däi andern sin für diech Verfüchungsmasse, iech konn dai bläide

 

Arrogands ned fassn

 

 

 

Wie das früher hier aussah, das war ja unmöglich

 

Das hat ja nichts gleichgesehen

 

Die rußgeschwärzten Sandsteine

 

und der abgeplatzte Lack an den Fensterrahmen

 

Und wenn man das mit jetzt vergleicht

 

So putzig ist das hier und die Blumen an den Fenstern

 

Sieh mal Schatzi, sogar die Touristen finden das gut

 

Und die paar Euro Miete mehr zahlt man doch aus der Portokasse

 

(Und wecher dem bläidn Zibfl is des alles so doll)

 

 

 

Bodenlange Fensder mit Giddern zur Weld, dei SUV schdäid davur, du hosd schließli Geld

 

Fürs Gwissn kaaf mer im Biomargd, a weng vegan hilfd gecher Herzinfargd

 

Wer Dialegd schbrichd is fier diech glei bläid, blouß fier uns bedeid

 

des Idendidäd

 

Du maansd dass däi Schbrouch ins Museum mou, one world one

 

language lou mi doumid in Rou

 

 

 

Sieh doch mal das schöne Wirtshaus an

 

Da sitzt man vielleicht schön draußen

 

Das ist ja fast wie in Italien – und das mitten in Franken

 

Ein wunderbares Fachwerkensemble da schräg gegenüber

 

Das fühlt sich ja fast wie Urlaub an

 

Hier könnte ich ewig sitzen

 

(nix gibds, halber zehne is, eds wird abkassierd –)

 

 was jetzt schon?

 

(ja, däi Leid braung ihr Rouh

 

und wecher dem bläidn Zibfl werd dou kanner mehr frou)

 

 

 

Du machsd däglich Yoga und aa Daidschi dei bissler Karma machsder drodsdem hie

 

Und gecher Bosheid und Ignoranz, hilfd a  ka Wellness und ka Ausdrucksdanz

 

Dei Rechde kennsd genau und fordersds a ei

 

Was andre wolln gäid dier am Arsch vurbei

 

Du bisd und bleibsd a aanzger Widerschbruch

 

Für andre Leid bisd du a bäiser Fluch